Sept. 6, 2019: “Ka lungtang kitamzaan a, cikmah in hih liamma pen dam ngei nawn lo ding hi” ciin suzuak dinga kikemcip Thai numei khatin kamphente tungtawnin Sydney thukhenzum ah gen khia hi. Amah pen Kanbut leh a zi in a kep uh ahihi. Amah bek hi loin Thai numei khat zong kem uh hi.
Thukhenzum in Kanbut pen Sila dana mi a khawina hang leh a bawlsiatna hangin mawhsak hi.
Hih Thai numei nihte pen a kizuak ding ngiatin amau ut thu tawh Australia hong tung uh hiin, 2004 – 2005 sung Kanbut leh a zi in sila bangin bawlin kem uh hi. A paasports uh laksakin Ausie sum 45,000 a loh khit dong Kanbut in kem hi.
Thai numeinu genna ah, “Nikhat in mi 10 tawh hong omkhawm sak hi. Si ka neih laitakin zong hong tawlnga sak tuan lo hi. Tua hangin tudongin si ka neih naak leh ka gamtang thei nawn kei hi. Hih natna pen a sihpih ding ka hi ta hi” ci hi.
