Michael Guider pen tukaal Thursday ni ciangin thong sung panin suakta ta dinga, midangte mah bangin Sidney khuapi sungah vaak hialhial thei ta ding hi. Amah pen tuin kum 68 cingh ta hi. 2002 kumin kum 9 a pha pan numeino Samantha Knight kici khat a buanna hangin thong kia a, tuin thong a kiat zawh kum 17 cingh ta hi.
1986 kumin kum 9 a pha pan numeino Samantha Knight pen Bondi panin mangcip hi. Tudongin a luanghawm kimu nawn lo hi.
Thukhenzum sangpen ahi Supreme Court in Michael Guider pen kum khat thong kia kik dinga mipi ngetna pen na nial hi.
Ahizongin Guider pen ki-encik mahmah ding hi.
Guider in naupang tampi na buan khin a, tampi tak na that khin hi. Tun amah hong suakta ta ding ahihmanin Lisa Giles in, “Na naupangte uh limtakin kemcingh un, naupang buanpa Guider pen tukaal sungin hong suakta ta ding hi” ciin genkholhna nei khin hi.
